Home Uncategorized Comunicado di Cuerpo Policial Korsou relaciona cu e asesinato di 4 persona

Comunicado di Cuerpo Policial Korsou relaciona cu e asesinato di 4 persona

SHARE

Tiramentu ku kuater (4) morto
Djasabra 18 di mart 2017 alrededor di 20.35’or, Sentral di Polis a dirigí un unidat na altura di un snèk na Berg Altena pa un kaso di tiramentu ku 4 herido.

Na e sitio polis a bin topa ku kuater (4) hòmber drumi abou den situashon di hopi preokupashon tur ku herida di bala na diferente  parti di nan kurpa. Tres (3) di e víktimanan tabata den situashon di hopi preokupashon miéntras e di kuater víktima no tabata duna señal di bida.

For di investigashon preliminar ku polis a realisá na e sitio a sali na kla ku probablemente dos (2) hòmber a kore yega for di den un hanchi na Berg Altena na parti Oost di e snèk i a lòs un kantidat di bala riba algun persona ku tabata pará na altura di e snèk ku e resultado ariba menshoná.

Ambulans a yega na e sitio i a  transportá e 3 víktimanan ku urgensia pa Poli.

Mas lat den anochi polis a risibí notisia ku alrededor di 22.10’or tur tres (3) víktima a fayesé na Poliklinik di SEHOS komo konsekuensia di e heridanan di bala  ku nan a risibí.

1. Dòkter di Polis a yega na e sitio i alrededor di 22.05 ‘or a konstatá morto di e víktima e hòmber Elery Zedelkia Harvey Aeneas Jair Cijntje nasé na Kòrsou 39 aña di edat ku a fayesé na e sitio mes.

Na e sitio polis a konfiská un outo, un motosaikel i otro artíkulo ku ta di importansia pa e investigashon.

Identidat di e tres víktimanan ku a muri na Poli ta;

2. Harold Antonio Francisca nasé na Kòrsou  48 aña di edat

3. Purcival Delano  Brooks nasé na Kòrsou  54 aña di edat

4. Reegi Riedsel Arcangeles Angelista nasé na Kòrsou 32 aña di edat

Riba òrdu di Fiskal di Ministerio Públiko a konfiská tur kuater kurpa sin bida  pa mas investigashon.

E motibu(nan) tras di e asesinatonan aki ta den investigashon i na e momentunan aki no ta disponibel

Awe for di den oranan trempan e diferente disiplinanan a bini huntu i a determiná táktika i strategia  pa atendé ku e kaso aki.

Polis ta supliká tur persona ku por tin informashon tokante di e kaso aki, pa tuma kontakto ku polis na 917 òf e liña anónimo 108.