Home Uncategorized Dama ta bira victima di e criminalidad cu ta for di control...

Dama ta bira victima di e criminalidad cu ta for di control na Aruba

SHARE
Driemasterstraat – Diabierna pa mas o menos 8’or di anochi un biaha mas un señora humilde cu ta bende loteria ta bira victima di e criminalidad cu ta for di control na Aruba.
Unda bo pasa na Aruba e palabra ATRACO ta den boca di pueblo, hopi hende tin e temor di bira victima di atraconan cu a kibra record ultimo añanan, nos niun no sa ki dia ela por toca nos of un di nos famianan.
Señora Rasmijn vocero suplente di cuerpo policial a dune e siguiente relato :
“Pa mas o menos 8:05 di diabierna  nochi  central di polis a haya un jamada cu un rato prome un atraco lo mester a tuma luga riba un lugar di number na driemasterstraat. Na jegada di patrouille  e señora bendedo di number ta conta cu un rato prome dos hende homber color licht bruin a drenta e lugar cu un arma di candela y a bai cu mas o menos 2000,- y algun pertenencia di e señora. Un di e sospechosonan tawata tin sweater preto y carson largo  mas un petchi  bisti y un zonnebril . E otro tawata tin un sweater preto y un bermuda . Nan a papia spaño y NO tawata tin cara tapa.  Nan a bai foi di e luga na pia. Atraco team a presenta y a cuminsa cu e investigashon di biaha . Slachtoffer hulp tambe a presenta y tambe a opta pa jama ambulance mirando cu e señora no tabata sinti su mes bon. Ambulance a presenta y a hiba e señora hospitaal . Nos di Cuerpo Policial ta pidi ken cu por a wak algo jama tiplijn di polis 11141”.
Pues den relato nos ta wak cu un di e atracadornan tawata tin zonnebril bisti durante e atraco, dos dia prome esta diaranson un di e atracadornan cu a drenta un luga di loteria na Catiri, tambe tawata tin zonnebril bisti y tambe a papia spaño.