Home Uncategorized Chauffeur ta perde control, ta baha caminda y ta destrui un bushalte...

Chauffeur ta perde control, ta baha caminda y ta destrui un bushalte por completo

SHARE

Cura Cabay – Diasabra pa mas o menos 1’or y 40 di marduga, polis ta wordo manda na altura di Cura Cabay Store pa un accident cu hopi daño material.

Na yegada polis ta bin topa cu un auto cu hopi daño material, mirando e estado di e auto, mesora e polisnan a puntra e chauffeur si e ta herida, segun e chauffeur e ta bon y no tabata kier atencion medico di ambulance.
Segun e chauffeur e tabata biniendo di pabou y un auto lo a cer’e y asina a pon’e perde control destrui full un bushalte, ora polis a puntr’e informacion di e auto e no tabata por a duna polis niun informacion, probablemente e lo a pasa hopi duro bay.
Segun algun testigo na e sitio, no tabata tin ningun auto cu a cer’e y pone perde control, segun nan ta velocidad halto lo a causa cu ela perde control baha caminda y dal contra e bushalte.
Menos mal cu e accident aki a pasa den oranan laat di marduga y cu no tabata tin niun persona wardando riba bus.