Home Uncategorized Chauffeur bou influencia ta ranca palo di luz y ta bay para...

Chauffeur bou influencia ta ranca palo di luz y ta bay para mas cu 100 meter leu

SHARE

Vigia – Paradera, Diasabra algo prome cu 3’or di marduga, polis ta wordo manda na Paradera net un poco panort di e rotonde chikito di Paradera pa Jaburibari, pa un auto cu lo a ranca un palo di luz.

Na yegada polis ta bin topa enberdad cu un palo di luz cu a haya basta daño, wayanan di coriente y cabel tabata benta riba caminda, pero e auto mes no tabata na e sitio.

Dos agente a cana bay un poco mas pazuid y a topa enberdad cu e auto cu hopi daño material, e chauffeur no tabata herida.
E chauffeur tabata bou influencia y no por a ni bisa cua palo di luz ela dal contra dje y ni tabata na altura cu e palo di luz tabata hopi mas panort di unda ela bay para.
E auto tabata tin sla patras tambe aparentemente elo a dal e parti patras di su auto contra un baranca. Polis a trata na tuma su datosnan y mirando cu e no tabata herida ela keda deteni pa core bou influencia. Elmar tambe a wordo poni na altura mirando cu e palo di luz a sufri daño y tabata tin wayanan benta abou.