Home Uncategorized Den menos cu dos luna, dos persona ta wordo decapita y cruelmente...

Den menos cu dos luna, dos persona ta wordo decapita y cruelmente laga atras

SHARE
GEDSC DIGITAL CAMERA

Baralt, Venezuela- Na e municipio di Baralt, den lapso di dos luna dos persona a wordo asesina y na un forma hopi cruel ambos a wordo decapita. esaki por ta bay den direccion di un acto di extremo venganza.

 

E ultimo caso a sucede dialuna pa mas o menos 11’or di anochi, unda autoridad a haya e cadaver di un homber cu su cabes kita y poni riba su pecho.

Esaki a wordo haya na e avenida principal di e sector Las Granjas, parroquia Libertad, di e municipio Baralt, na e costa oriental di e Lago.

E curpa no por a wordo identifica paso no a haya ningun documento personal riba dje. E persona cu a fayece ta color bruin, postura flaco y estatura halto.

 

Segun e prome investigacionnan policial, a sali na cla cu e homber tabata riba un brommer na momento cu e criminalnan a intercept’e, a tir’e cu un arma di candela y despues a decapit’e.

E brommer a wordo haya pa oficialnan di polis.

Funcionarionan di e Cuerpo di investigacion cientifico, penal y criminalistico a lanta e cadaver y a hibe na e mortuario general di Cabimas, ta supone cu e motibo di e asesinato por ta trata di un venganza.

E otro caso di decapitacion a sucede dia 5 di februari, un hoben di 21 aña a wordo asesina na un forma hopi cruel, a decapit’e y a hinka su cabes den su stoma.

E curpa de e victima aki a wordo haya na El Tigre, sector El acueducto, di e parroquia Marcelino Briceño, tambe na e municipio Baralt.

Segun e recherchenan di Cicpc, e victima a wordo someti pa 3 delicuente, entre nan un conoci bou di e apodo “El Kleiber”.

Ambos caso ta den man di autoridad venezolano y ta bou investigacion.