Home Uncategorized Motociclista deteni sospecha di kier a atraca un luga di cuminda algun...

Motociclista deteni sospecha di kier a atraca un luga di cuminda algun dia atras ( Video Attached)

SHARE

Hooiberg – Diaranson atardi algo pasa di 4’or por a scucha hopi alarma den area di Pardera Piedra Plat y Hooiberg. Motibo tawata patruya di Playa lo a spot un brommer cu posiblemente ta involucra den un intento di atraco.

Nan a dune varios stop teken, pero esaki no tawata haci caso. Rotonde di Paradera e brommer a sigi bay direccion Babijn, caminda e ta desvia bay zuid direccion Pacifico Paradera.

Trafico e momento eynan tawata sumamente druk. Asina mes cu tur e drukte otro unidadnan cu a bay yuda e patruya ta logra intercepta e brommer sin marca, ariba e caminda di Bright Bakery bay zuid.

Segun e agentenan di Oranjestad, e helm color preto lo a hala nan atencion relaciona cu un caso di intento di atraco, ariba Chalo Burger algun dia atras.

E motociclista un persona basta jong, a wordo deteni y hiba warda pa mas investiga.