Home Uncategorized Homber deteni, despues cu e tawata tira piedra kibra glas y dal...

Homber deteni, despues cu e tawata tira piedra kibra glas y dal hende (Video Attached)

SHARE

Oranjestad – Diahuebs parti mainta polis a haya varios yamada, di un hende homber cu tawata tira piedra ariba auto y ariba personanan den su vecindario.

Altura di Aruba Ports Authority e persona aki a destrui glas di un auto y e glas lo a rasca e dama, personal di ambulance a pasa pa controla e dama, pero e tawata ok. Tambe piedra lo a alcansa un turista, esaki tawata den area di CMB, pero na yegada di polis e turista no tawata tey.

Mientrastanto informacion tawata bisa cu e homber aki, lo a drenta ruinanan di Bushiri Hotel. Polis a busca eyden pero no a haye.
Un rato despues nan ta wordo informa cu nan lo a haya e persona aki na Ling & Sons.
E tawata sinta banda di e entreda.

Ta trata di e conoci di polis Lloyd. E cabayero aki muy probablemente ta sufri di un enfermedad mental y ta haya episodionan cu e ta cuminsa actua straño, por ehempel loke ela haci awe mainta, esta di sinta manda piedra ariba auto y hende.

Autoridad mester avisa e instancianan concerni, pa nan haci algo. Berdad polis a detene y bay cu ne, pero pa cuanto rato ?

Kizas ya pa mañan mainta e ta bek ariba caya y e biaha aki e lo por cana cu un baseball bat y haci daño na propiedad di hende of na e hende mes.

[fvplayer src=”https://www.youtube.com/watch?v=0RslX0uKvHk&feature=youtu.be”]