Home Uncategorized Ban conoce Aruba su Historia y Monumento nan riba 18 di Maart!

Ban conoce Aruba su Historia y Monumento nan riba 18 di Maart!

SHARE

Ariba 18 di Maart Aruba henter lo tin e oportunidad di bin experiencia na un prijs special e tour di mas nobo cu ta tuma luga den centro di Oranjestad esta, e Aruba Walking Tours.

Aruba walking tours ta un tour cu a cuminsa desde November 2016 y a sa di bira un atraccion popular di hopi turista. Desde e comienso hopi bishitante cu ta bishita Aruba a experiencia e tour aki a laga solamente bon comentario atras ariba diferente medionan social.

Pa celebra nos dia di Himno y Bandera, Aruba Walking Tours hunto cu Comicion Celebracion Dianan Nacional y Departamento di Cultura ta ofrece Aruba henter e oportunidad pa bin experiencia e tour aki na un prijs hopi special.

E tour lo costa solamente 5 Florin pa persona. Durante e tour bishitantenan lo explora Aruba su historia hunto cu un guia local splicando di Aruba su Historia, su Monumentonan, su Custumbernan y hopi mas. Lo bishita mas di 20 punto di interes durante dos ora den centro di Oranjestad.

E tour lo tuma luga ariba 18 di Maart 2017 cu tres diferente orario, 10am, 2pm y 4:30pm. Cuponan ta limita. E tour ta costa 5 Florin pa persona y lo sali for di e edificio Cosecha, Zoutmanstraat 1 patras di Renaissance Hotel.

Pa confirma bo presencia na e tour aki please sigi e link aki https://form.jotform.co/70724951309862 y yena e registracion.

Por email Aruba Walking Tour tambe na info@arubawalkingtours.com Of whatsapp: 5925069.