Home Uncategorized Atraco ta sigui awo ta Gitano Lottery na Catiri a bira victima

Atraco ta sigui awo ta Gitano Lottery na Catiri a bira victima

SHARE

CATIRI, – Diaranson anochi pa mas o menos 7 or y 10 ta sucede un otro atraco arma riba e lugar di bende number Gitano Lottery na Catiri.

Un bendedora di number hunto cu su ruman a bira victima di e atraco. E dos rumannan tabata den e lugar di number y na momento cu dos persona ta yega den un auto color preto y ta para e auto patras di un cas, banda di e lugar di number.
Un di e atracador bisti full na preto, cu petchi y bril preto, ta drenta e lugar di number cu un handbag preto den su man, mesora e ta saca e revolver for di den e tas y ta apunt’e riba e bendedora y ta cuminsa papia spaño.
E atracadornan ta pidi e bendedora y su ruman pa baha nan cara y asina ta cuminsa coba tur caminda, den e lugar tabata tin mas o menos 500 florin, cual tabata e benta di awe di e dos weganan.
E bendedora a logra mira un di e atracadornan y e no tabata tin su cara tapa, prome cu nan a bandona e sitio nan a cera e benta y porta, tambe a exigi e dos victimanan pa keda paden sino nan lo matanan.
Segun testigonan e otro atracador tabata bisti cu un flanel cora kima y despues cu nan a bandona e sitio nan a subi den e auto preto cu algo nickle riba dje y a bay direccion di e rotonde di Tanki Flip.
Despues di un rato  alarma a wordo bati y varios unidad di polis a bay na e sitio, presencia di atraco team y tambe slachtofferhulp a wordo pidi.
Asina aki mas y mas caso di atraco ta keda wordo registra y remarcabel ta cu mayoria di atraco ta wordo cometi door di personanan cu ta papia spaño.