Home Uncategorized MEP: ARTHUR VALLEJO TA E CANDIDATO NOBO DI MEP

MEP: ARTHUR VALLEJO TA E CANDIDATO NOBO DI MEP

SHARE
Ken ta Arthur Vallejo?
Dialuna mainta, den Cede di MEP cu hopi movecion, a wordo lanza e prome candidato pa e proximo elección.
Esaki ta den persona di Dr. Arthur Vallejo. Arthur ta un hoben profesional cu a studia aki na Aruba na International School of Aruba y despues a studia pa Dentista na Universidad El Bosque na Bogota, Colombia. Después di esaki a tuma 4 aña mas pa specializa pa Kaakchirurg. Esaki a sosode na e mesun universidad. Awor aki Dr. Vallejo jr. tin 4 aña cu su mesun praktijk aki na Aruba como dentista. Actualmente Dr. Vallejo jr. tin 32 aña, cu un vision y energia pa traha pa nos Pais den area di salud.
Dr. Vallejo jr. ta yiu di e conocido y estimado Dr. Carlos Vallejo y Gemma Vallejo Oduber. Dr. Carlos Vallejo nos conoce na Aruba como un medico neurocirujano cu a sirbi patientnan na Aruba pa mas di 35 aña, y a stimula su yiunan tambe pa studia e ramo di medicina. Esey a haci cu awe Dr. Arthur Vallejo jr. tambe tin su educacion riba e tereno aki. 
Arthur a dicidi di drenta politica, paso e kier sirbi como un ehempel pa young profesionals tambe tuma e paso pa sirbi nan pais y carga resposabilidad nan den gobierno. E kier weita un Aruba dirigi pa profesionalnan hoben, creativo y proactivo, unda cu decisionnan ta wordo tuma a base di prioridad y necesidad.
 
Salubridad di Aruba actualmente ta den un situacion critico y Dr. Arthur Vallejo jr. tin ideanan innovador y creativo pa afronta e dicho problema nan aki. Na Aruba mester por ta posibel pa hiba discusionnan riba tereno di politica y salubridad riba nivel pa por trece e cambionan necesario.
 
Arthur, manera tur su amistades y famianan ta yame, ta haya cu Movimiento Electoral di Pueblo ta e mihor plataforma pa trece e cambio na Aruba. Den e proximo 6 lunanan venidero e votador Arubiano ta central na unda lo por mustra nan poder di voto.  
Arthur ta priminti di ta un candidato hopi fuerte den e eleccion di september venidero. Lo nos scucha hopi mas di dje den e dianan nos dilanti.