Home Uncategorized EVELYN WEVER-CROES: MEP ta cuminsa cu Campaña 2017 Oficialmente

EVELYN WEVER-CROES: MEP ta cuminsa cu Campaña 2017 Oficialmente

SHARE
ARTHUR VALLEJO TA NOS PROME CANDIDATO NOBO PA ELECCION 2017

STA. CRUZ — Un lider di MEP hopi contento dialuna mainta trempan a lansa e prome candidato nobo riba lista di MEP pa eleccion 2017.

Ta trata di dr. Arthur Vallejo, hoben profesional, di profesion kaakchirurg.
“Manera mi a anuncia caba, e siman aki nos ta cuminsa nos campanja electoral. Diabierna dia 17 di maart nos ta bai lansa nos campanja 2017. Nos lo presenta nos logo di campaña, nos slogan di campaña, candidatos nobo, y e vision di MEP pa soluciona e problemanan serio den nos pais.

Unda cu bo bai, hende ta pidi e cambio, y e siman aki nos ta cuminsa cu e capaña pa e cambio. Awe nos ta presenta nos prome candidato y nos di MEP ta sinti nos hopi honra y contento di por anuncia candidatorua di dr. Arthur Vallejo. Nos ta buscando candidato pa yuda nos den e vision pa e cambio cu Aruba tanto ta desea, y den esaki Arthur lo yuda partido cu e vision riba e tereno di salubridad, di integracion y pa loke ta trata nos profesionalnan hoben.
Arthur ta un hoben profesional, kaakchirurg, no desconosi na Aruba, y nos ta hopi honra y contento di por anuncia su candidatura awe. Cu esaki MEP ta e prome partido grandi cu oficialmente ta cuminsa cu campaña, lansando candidatos y tresiendo su vision padilanti”.
Mester menciona cu tabata tin hopi hende presente, gran parti e famia grandi di Arthur y coleganan di partido. Pabien Arthur Vallejo y MEP cu e lansamento aki.