Home Uncategorized EVELYN WEVER-CROES: ARUBA TA BENDICIONA CU TALENTO MUSICAL

EVELYN WEVER-CROES: ARUBA TA BENDICIONA CU TALENTO MUSICAL

SHARE
Ban celebra nos Dia di Himno y Bandera en grande!
STA CRUZ — Durante conferencia di prensa di MEP, lider di MEP Evelyn Wever-Croes a felicita e organisadornan di e festival “Un Canto na Nos Himno y Bandera”.

“Awe un siman grandi ta cuminsa pa Aruba y pa MEP. E siman di celebracion di nos Himno y Bandera. Fin di siman den e festival Un canto pa nos himno y bandera, nos por a mira cuanto talento musical nos tin na Aruba. Mi mes tabata tey y mi por a aprecia tanto talento. Compositornan cu a compone varios cancion, areglistanan, musiconan, interprete nan tur a demostra un talento unico.
Mi kier felicita tur esnan cu a hasi e festival un exito rotundo. Na e cantantenan, musiconan, compositornan, areglistanan, y especialmente e ganadornan.
E siman aki ban demostra nos amor pa nos himno y nos bandera y e orguyo di ta un Arubiano. Arubiano ta tur cu ta biba na Aruba, irespecto unda bo a nace. Ban demostra nos orguyo di ta Arubiano, y hisa nos bandera e dianan aki. Ban celebra nos dia di himno y bandera en grande.
Na Cede di MEP nos ta celebra henter dia 18 di maart cu actividad y ewntretenimento. Nos tin un Expo tambe na nos Cede, cu lo habri 11.30 am dia 18 di maart. Nos ta sperabo pa bin celebra e gran fiesta aki” lider di MEP Evelyn Wever-Croes a duna di conose.