Home Uncategorized McDonald’s a lansa “Premium Double Fish Sandwich” pa cuaresma

McDonald’s a lansa “Premium Double Fish Sandwich” pa cuaresma

SHARE

ORANJESTAD, Aruba – 8 di maart 2017: Desde 1 di maart McDonald’s ta ofrece “Premium Double Fish” specialmente pa e temporada di cuaresma. E pisca uza den e Premium Double Fish ta 100% Alaskan Pollock fresco for di laman, cu ta brinda smaak y calidad cu e clientenan ta spera. E ta rico den proteina y abao den colesterol y vetnan satura. Adicionalmente, pisca ta digeri facil y ta hopi recomenda como parti di un dieet saludabel pa motibo di su balor nutricional.
E sandwich ta consisti di dos frekedel di 3 oz., sirbi cu lechuga Romaine, tomati, sauce di tartar y keshi Mericano riba un pan Artesano. Por saborea e sanwich aki riba su mes of den un McCombo cu e famoso batata hasa di McDonald’s y un di e opcionnan di bebe. Clientenan tin opcion pa pidi un side salad cu solamente 20 caloria pa combina cu e Premium Double Fish McCombo of cualkier otro combo, como alternativa en bes di e batata hasa.
“Na McDonald’s, nos ta uza Alaskan Pollock fresco di laman pa nos Premium Double Fish Sandwich, cu ta bin di un fuente 100% sostenibel di nos pescadero certifica pa Marine Stewardship Council. Pisca sostenibel ta importante pa nos pasobra e ta yuda proteha nos oceanonan”, di acuerdo cu Sulina Vrolijk, Supervisor di Operacion pa Arcos Dorado Aruba a bisa.
Pa mas informacion, bishita bo restaurant McDonald’s faborito via e website www.mcdonaldswi.com, riba Facebook McDonlad’s Curacao & Aruba of sigui nos riba Twitter @McDonalds_CA.

Arcos Dorados ta e doño di frankisia mas grandi di McDonald’s mundialmente, den termino di benta y cantidad di restaurant. E compania ta opera e cadena mas grandi di restaurantnan di servicio rapido (Quick Service Restaurant/QSR) di Latino America y Caribe. Nan tin e derecho exclusivo pa ta doño di, pa opera y concede frankisianan di restaurantnan McDonald’s na 20 pais y teritorio Latino Americano y di Caribe, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela. E compania ta opera of tin como frankisia 1,880 restaurant McDonald’s cu mas di 90 mil empleado sirbiendo aproximadamente 4,3 miyon di cliente pa dia.