Home Uncategorized Dr. Arthur Vallejo Jr. a lansa su mes como candidato riba e...

Dr. Arthur Vallejo Jr. a lansa su mes como candidato riba e lista di MEP

SHARE

Awe 13 di maart 2017, mi a lansa mi mes como candidato riba e lista di Movimiento Electoral di Pueblo.

Mi ta sinti cu ta necesario pa profesionalnan hoben cuminsa carga responsabilidad na Aruba. Pesey mi a tuma e paso aki y mi ta spera cu e por ta un estimulo pa otro hobennan profesional por sigi mi pa asina nos contribui na un Aruba solido y firme caminda cu decisionnan ta wordo tuma abase di prioridad y necesidad.

Mi ta habri pa tur sugerencianan cu por contribui na e desaroyo positivo aki. Como profesional den salud mi ta spera di por conta cu boso apoyo pa trece e mehoracionnan necesario den e sistema di salubridad na Aruba. Den e area aki mi a prepara mi mes y tin hopi ideanan creativo y proactivo pa trece solucionnan pa por ehempel haci cu patientnan no tin mester di warda 3 pa 4 luna pa por haya atencion. Tambe mi ta di opinion cu nos tin hopi espacio pa traha riba e parti di prevencion. Esaki lo por spaar hopi placa y por yuda crea e espacio pa e otro cambionan cu ta necesario pa introduci.

Pa mi ta un placer di por ta parti di e equipo ganador di Movimiento Electoral di Pueblo.

E Famia di Movimiento Electoral di Pueblo ta yama Dr. Vallejo Jr.  Bon Bini den partido.

Segun Glenbert Croes, “Aruba a wordo bendicióna pa e gran decision di Dr Arthur Vallejo pa drenta política como candidato di MEP pa e area di salud”