Home Uncategorized AVP ta sigui fuerte cu su accion di pega sticker E biaha...

AVP ta sigui fuerte cu su accion di pega sticker E biaha aki dilanti Cas di Partido Tanki Flip

SHARE

ORANESTAD- Na Cas di Partido AVP na Tanki Flip e partido berde a tene un otro accion di pega sticker.  Manera semper esaki ta un actividad masha agradabel cu ta bay man den man cu masha hopi animacio, positivismo  y den tremendo ambiente. E fraternidad cu ta reina entre esnan presente ta contagioso y asina cada biaha e grupo ta bira mas grandi.

Por a mira lider di partido AVP Mike Eman pegando sticker riba auto y banda di dje su colega Paul Croes. Candidatonan di e lista di speransa a acudi masalmente na Tanki Flip y durante mas o menos tres ora largo nan hunto a pega 1500 sticker. Entre nan por a mira e caranan contento di Marlon Sneek, Jennifer Arends, Clarisca Velasquez, Jeffrey Kelly, Norman Roos, Lorna Varlack, Mervin Wyatt-Ras, pero tambe e hoben Ronwayne Kock, kende eleccion pasa tabata riba un otro lista poltiico.

Autonan tabata para pa haya nan sticker y sin duda tambe pa wordo saluda door di Paul Croes y Mike Eman. E anochi tabata exitoso. Diamars partido tin su siguiente ‘stickeractie’ cu sin duda ta uno di gran exito un bes mas. E machin a start y por lo pronto no ta para.