Home Uncategorized MEP A RINDI HOMENAGE NA E DAMANAN CU TA YUDA PARTIDO MEP

MEP A RINDI HOMENAGE NA E DAMANAN CU TA YUDA PARTIDO MEP

SHARE

Durante e anochi ameno na Indian Rock Garden partido MEP a celebra dia internacional di hende muher. Durante e anochi aki lider di partido sra. Evelyn Wever-Croes a homenagea e damanan cu aña aden y aña afo voluntariamente ta traha duro pa partido y pa Forsa Femenino Grace.

HISTORIA DI FORSA FEMENINO GRACE
Desde su fundacion, partido MEP tabata tin un comision di damas di MEP. Fundador di partido sr. Betico Croes dfm a haya esaki necesario mirando cu ta un partido social democrata cu mester brinda sosten na desaroyo di hende muhernan. Sr. Nelson Oduber y sra. Evelyn Wever-Croes a continua cu esaki, mirando e importancia pa nos partido.

Forsa Femenino Grace prome tabata yama Comision di damas di MEP y esey tabata di tempo di Betico cu semper tabata tin e grupo di damanan aki kendenan voluntariamente y cu hopi dedicacion y amor a traha pa partido.
Ta despues cu sra. Grace Bareño a fayece e grupo di damas a haya un nomber fiho, esta Forsa Femenino Grace. Grace tabata e prome hende muher cu a subi lista di MEP na 1975. Alavez e ta e prome dama na Aruba cu a fungi como diputado di Aruba. E nomber Forsa Femenino Grace ta na su honor.

Sra. Yuyu Croes ta dirigiendo Forsa Femenino Grace y e comision di damas desde su fundacion, y e ta conta cu un equipo di damas sumamente activo. Nan ta organisa varios actividad pa recauda fondo pa partido, especialmente conosi pa recauda fondo atraves di koffie morgen y e celebracion di e fecha importante di awe cada aña.
Pesey partido MEP a duna reconosemento na tur e damas cu durante e 46 añanan desde fundacion di partido, a traha cu alma y cuerpo, y a duna nan cooperacion y aporte na nos partido y pa nos país. sra. Evelyn Wever-Croes a rindi homenage na un total di 30 damas. Por a nota cu cada un a keda sumamente agradesido cu e reconosemento.