Home Uncategorized Dama mas pisa di mundo ta baha 100 kilo den cuater siman

Dama mas pisa di mundo ta baha 100 kilo den cuater siman

SHARE

MUMBAI,INDIA- Recientemente e dama mas pisa di mundo a haci un operacion di stoma y asina reduciendo e grandura di su stoma cu 15 porciento. E dama Eman Ahmed Abd a-Aty, tabata pisa casi 500 kilo, y muy probablemente tabata e dama mas pisa na mundo. E dokternan cu a trat’e na Saifee Hospital na Mumbai a declara na Hindustan Timess cu e operacion tabata exitoso, no solamente a reduci e grandura di su stoma pero tambe a logra kita un gran cantidad di vet for di su barica.

Eman Ahmed Abd a-Aty a nace na Egypte y tin 36 aña. Mas o menos 4 siman pasa ela haci e operacion y actualmente ya a perde 100 kilo, danki na e medicinanan y cuminda likido, cu hopi fibra y proteina. Su perdida di peso, sigur door di e operacion aki lo redobla den e lunanan nos dilanti.

Door di su obesidad, Eman Ahmed , tabata tin 25 aña sin sali for di su cas. Riba 11 di februari, ela biaha pa India, cu Egyptair. Egyptair a pone un avion di carga, specialmente equipa na su disposicion pa por a realisa su viahe.

Asina cu Eman Ahmed recupera di e operacion ela regresa su pais y asina sigui cu e segundo fase pa perde mas peso. Aparentemente lo bay dura algun aña pa Eman Ahmed por yega na un peso aceptabel.