Home Uncategorized Ceramento di caminda en conexion cu proyecto renobacion Rosa College

Ceramento di caminda en conexion cu proyecto renobacion Rosa College

SHARE

Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda, Dominicanessenstraat, for di e crusada di Caya Ernesto Petronia pa e crusada di Indianenweg/ Concessielaan y bisindario, cu entrante diaranson 15 te cu diabierna 17 di maart 2017 lo bay cera e caminda pa motibo di renobacion di Rosa College.

E trabou ta encera renobacion di e riool cu ta crusa den Dominicanessenstraat (wegkruising). Pa e motibo aki tin cu cera e caminda di Dominicanessenstraat for di e crusada di Caya Ernesto Petronia te na e crusada Indianenweg/ Concessielaan. Lo cera e caminda pa tur trafico y alabes lo bay indica e ceramento di caminda cu bari y borchi di trafico pa e desviacion.

E trabou relaciona cu renobacion di e riool di Rosa College, lo bay tin un duracion di 3 dia di trabou.

En conexion cu e trabou menciona Departamento di Obra Publico ta haci un peticion na tur automobilistanan pa no haci uzo di e camindanan y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.