Home Uncategorized Museo Historico Arubano celebrando temporada di cultura engrande

Museo Historico Arubano celebrando temporada di cultura engrande

SHARE

Museo Historico Arubano situa den e monumentonan icono di Aruba, Fort Zoutman y Willem III Toren a crea pa e luna di maart un programa educativo pa e diferente scolnan basico educando riba e balor di nos ofishi di antes, tratando aki di e Ofishi di Vlechtdo.

 Conhuntamente cu CEDE Aruba kende tin educashon di e muchanan di Aruba na pecho, cu ta sostene e tremendo programa aki pa 12 scol será conoci cu e historia di Aruba y participa cu tayernan di e technica di vlechten duna pa artista Jess Wolff. Meta di e proyecto aki ta pa educa e generacion nobo riba e importancia di un di e ofishinan mas bieu cu a yuda funda e pais aki.

Mirando e hecho cu Museo Historico Arubano ta salvaguardia 450 aña di herencia y tambe ta carga e gran tarea pa representa e balor di e monumentonan Fort Zoutman y Willem III Totren, ta mas cu claro haci e luna di maart cu ta dedica na Cultura, e luna di mas importante pa expone comunidad di Aruba na nan herencia cultural.

Mirando e era  nobo cu e mundo di museonan na Aruba ta drentando, ta pone mas enfoce pa como museo crea programanan dinamico pa grandi y chikito. Esaki ta sigur algo cu Museo Historico a bin ta haci ya caba desde inicio hunto cu su organización mama Fundacion Museo Arubano desde cu a instala e team hoben creativo cu ta encarga cu e diferente museonan.

Como organización FMA y Museo Historico ta mira e importancia pa hiba educación mas cerca di mucha y hobennan na Aruba pa asina aki sigura traspaso di cultura y herencia na e mihor forma posibel.