Home Uncategorized Mitsubushi Endeavor horta, haya den mondi na Tarabana

Mitsubushi Endeavor horta, haya den mondi na Tarabana

SHARE

Tarabana – Dialuna merdia den un mondi cera pariba di veld di Douane, polis atento ta bin haya un auto horta.
E auto aki a wordo horta diabierna anochi dilanti Lekker na Palm Beach.

E auto un Mitsubishi Endeavor ta pertenece na Carlos Chang, conocido ciudadano di remedinan homeopatico.

Den Pindastraat banda zuid di caminda tin mondi cera, mey mey tin un habri, eyden nan a pasa cu e auto y pone te patras. Takelwagen di Nagico a presenta, pero mester a usa ekipo special pa habri e porta, paso e tawata completamente cera. E doño lo a presenta cu un jabi pa por a habrie y asina sake di caminda e ta.

Asina nos por comproba un biaha mas cu ningun auto no ta save aki na Aruba.
Antes loke nan tawata horta ta Toyota Y Nissan mas tanto, awor ta diferente marca si mester di pieza of loke sea di e auto, e ladronnan aki lo zorg pa horta un auto sea como sea, basta nan a haya e placa.

Suerte den e caso aki ta, cu te caminda cu nos por a wak, e ta intacto, nos no por a wak den e motor si e tawata completo, mirando cu e ta na lock.