Home Uncategorized DOS MIL PERSONA JA A CUMPRA NAN CARCHI PA FLIP FLOP FESTIVAL!

DOS MIL PERSONA JA A CUMPRA NAN CARCHI PA FLIP FLOP FESTIVAL!

SHARE

Oranjestad –  E reaccionnan pa e di 7 Flip Flop Festival cu lo tuma luga fin di luna di Maart a kibra tur record. Tanto e early bird ticket y super early birds a caba den un tempo hopi lihe. Esey ta nifica cu dos mil persona ya tin nan entrada sigura pa mira Rick Ross, Konshens y Morgan Heritage riba e beach di Bushiri.

E ultimo dianan aki e tabata un locura total tanto na Chill Logo Store situa den Renaissance Market Place dilanti Seaport Cinemas,Citgo Palm Beach, Citgo Boulevard, Citgo Santa Cruz y Citgo Essoville.

Awor aki e carchinan na prijs general ta obtenibel na balor di 50 florin pa persona y tambe e carchinan pa e seccionnan di standing VIP y mesa VIP. Standing VIP Weekend Pass ta obtenibel na tur e luganan menciona. Pa cumpra mesa por pasa na e Chill Logo Store of yama 594-4704.

Hopi ta esnan cu ta puntra con nan por ta parti di tur tres evento di Flip Flop . Si acaso kier atende tur tres dia di e evento mester cumpra sea un Single VIP ticket (Seccion Standing) cu ta inclui un banchi (acceso) pa tur tres dia of un Mesa di VIP (Mesa di 6 persona). Diabierna lo tin e opening party cu Shermanology di Hulanda, Diasabra e concierto y Diadomingo e Pool Party.