Home Uncategorized Cuerpo Policial Aruba ta reacciona riba acusacion lansa durante interview den media...

Cuerpo Policial Aruba ta reacciona riba acusacion lansa durante interview den media local.

SHARE

Cuerpo Policial Aruba ta informa di investigacion interno

ORANJESTAD, Aruba – 6 di Maart 2017: Den cuadro di nos maneho semper transparente Cuerpo Policial Aruba kier informa lo siguiente. Alto Mando di Cuerpo Policial a tuma nota di e interview via TeleAruba unda tres persona a acusa un colega di alto rango (Hoofdinspecteur) di ta envolvi den un caso unda cu un detencion supuestamente no a bay segun regla. E cuidadanonan en cuestion a hasi uso di nan derecho y a entrega un keho na e departamento di investigacionnan Interno. E caso ta bou di investigacion y como tal nos no por duna mas detayes na e momentonan aki.

Cuerpo Policial Aruba ta existi desde aña 1986 y ta conta awendia cu mas o menos 600 Polis trahando incansablemente pa brinda siguridad na nos pueblo. Ta trata aki di 375 hende homber, 104 hende muhe y 120 empleado administrativo, trahando den 4 districto, cu Warda nan di Polis situa na Oranjestad, San Nicolas, Noord y Santa Cruz. Orguyosamente Cuerpo Policial Aruba ta conta cu hopi respet internacional, specialmente pa su unidadnan special manera “Motor Unit”, “K9 Unit”, “Arestatie Team”, “Mobiele Eenheid”, “Duik Team” y “Helicopter Unit”, sin lubida e departamentonan conoci di patruya y recherche cu ta bon entrena y capaz pa investiga y soluciona e casonan mas complica. Cuerpo Policial Aruba ta traha den cooperacion estrecho cu Cuerponan di Polis den Reino Hulandes manera Korps Politie Rotterdam Rijnmond, KLPD y RST, sin lubida otro partnernan internacional manera Interpol, DEA, FBI, RCMP, Force Protection Agency, ACCP y IACP.