Home Uncategorized Tres hoben controla y saca for di ex edificio di Kong Fui...

Tres hoben controla y saca for di ex edificio di Kong Fui na Palm Beach

SHARE

Palm beach – Diasabra anochi despues di e atraco na Noord, polisnan atento tawata controla autonan y situacionnan sospechoso. Pues buscando e atracadornan.

Informacion a drenta cu parti pabou di e edificio unda antes Kong Fui tawata situa, tres persona a bay bay paden. Mes ora un unidad di polis a bay y a drenta e edificio bandona.

Paden nan ta topa cu tres hoben, dos homber y un dama.
Polis a controla nan, pero nan no tawata tin nada di haci cu e atraco.

Pero segun polis, nan lo tawata ocupa haciendo “otro cosnan”.
Polis lo tuma contacto pa esnan concerni cu e edificio, pa cera e entradanan. Mirando cu segun polis e luga tin yen artefactonan y cu ta pesey e hobennan lo ta bay paden pa “aventura”.

Polis a tuma datos di nan tur.