Home Uncategorized Mama supuestamente tawata maltrata criatura

Mama supuestamente tawata maltrata criatura

SHARE

De La sallestraat – Diabierna anochi 8’or polis a haya notificacion cu un mama lo ta maltrando su yiu den auto.

Un persona lo a wak esaki y lo a sigi e auto. Na altura di Watergate, polis ta para e Chevrolet Spark color blanco.

Den e auto tawata tin un homber y dama y dos menor di edad, un mas grandi cu e otro.
Polis a splica e mama pakiko nan a wordo para.

E mama na su turno a splica polis cu e mucha homber no tawata tende, momento cu lo a subi patras y no tawata kier pa e mama cera e porta di auto. Kizas e mama lo a actua bruto pa cera e porta y kizas esey e personanan lo a wak.

Na e sitio e mucha homber no tawata kier a scucha di su mama y tawata bisa cu nan lo no stime y kier a bay. Polis a tuma datos y e mama dilanti polis a splica e mucha cu no ta berdad. E problema tawata cu e mucha tawata kier algo y nan lo no tawata haci loke e kier y cuminsa protesta door di haci mala mucha.