Home Uncategorized Homber a wordo atraca y agredi cu un biga den su propio...

Homber a wordo atraca y agredi cu un biga den su propio apartamento

SHARE

Noord,- Diasabra algo prome cu 11or di anochi, na centraal di polis ta drenta un yamada cu na un cas na Noord, un persona masculino a caba di bira victima di un atraco brutal.

Mesora centraal ta manda un patruya na e adres y na yegada enberdad nan ta topa cu un homber filipino, cu ta conta polis cu e tabata den su apartamento, na momento cu dos homber a drenta su apartamento, nan a mare, a dal’e cu un pida palo den su cara y den su lomba y nan a bay cu su spaarpot, su cellular y cartera. E dos atracadornan a bandona e sitio lagando e homber mara atras, despues di un rato na un of otro manera ela logra los pa asina por a pidi ayudo.

Mirando cu ela wordo maltrata, e patruya na e sitio a pidi pa presencia di ambulance, despues cu personal di ambulance a trat’e, nan a transport’e pa hospital.

Atraco Team a presenta na e sitio pa asina haci mas investigacion. Na hospital a pidi pa presencia di Slachtofferhulp pa atende cu e victima.

Na e sitio nos a bin compronde di esnan bibando eynan, cu henter dia  e persona aki a pasa den compania di un dama di habla spaño. Tambe nan tabata comenta cu ta hopi straño cu e atracadornan tabata bon na altura, cu e homber tabata tin un spaarpot cu hopi placa aden warda y cu nan por a yega bay na e spaarpot. No ta descarta e posibilidad cu un por ta relaciona cu otro.

Varios unidad di polis tabata basta rato riba caya buskando e atracadornan, a para varios auto sospechoso pero no a logra haya nada.