Home Uncategorized Dokter di cas na momento di constata morto a pidi pa presencia...

Dokter di cas na momento di constata morto a pidi pa presencia di autoridad

SHARE

Dakota,- Diadomingo mainta tempran ambulance ta bay na un adres den Mispelstraat pa un persona cu no lo ta dunando señal di bida, enberdad na yegada nan ta constata cu e persona aki no ta dunando señal di bida y ta pidi pa Dokter na warda.

Na momento cu Dokter Sneek  a bay constata morto, e no por a saca afo kiko lo ta e motibo di su fayecimento y a sospecha cu lo por ta trata di algo no normal, mirando cu e ta un persona di 45 aña, cu no tabata tin un historia medico, pero tabata sa usa cierto substancianan, no ta descarta e posibilidad cu algo lo por a bay robes akinan.

Mesora dokter a pidi pa presencia di Fiscal, despues di un rato autoridadnan concerni a yega na e cas den Mispelstraat y a cuminsa cu un investigacion.

E defunto di fam Yarzagaray, tabata un persona hopi conoci den e bario di Dakota, su nomber di cariño tabata Pa, semper e tabata riba su bais den Dakota. E defunto tabata zorg pa su mama, e tabata tur cos pa su mama, tur dia e ta pasa supermercado cumpra cuminda pa nan. Segun un familiar 3’or di marduga ainda e tabata na bida, e tabata lanta den sala y 7’or di mainta ora nan a lanta nan a bin haye sin bida riba vloer den sala.

Di parti di Arubanative.com ta bay un palabra di mas sincero condolencia na famia di  Pa y cu Pa sosega na paz.