Home Uncategorized Departamento di Asunto Social awor cu tur servicio Pariba di Brug

Departamento di Asunto Social awor cu tur servicio Pariba di Brug

SHARE

Oranjestad – Departamento di Asunto Social (DAS) kier informa comunidad di Aruba cu desde diaranson 1 di maart 2017 a cuminsa duna tur servicio na su oficina situa na San Nicolas (ex Centro Medico).

E servicio na San Nicolas ta pa clientenan existente of nobo sea pa Bijstand y/of Guia Social.

Tur cliente di Pariba di brug lo mester acudi na nos oficina na San Nicolas situa na ex Centro Medico.

Clientenan di tur otro districto e.o. Noord, Tanki Leendert, Paradera, Dakota, St. Cruz, Oranjestad y vecindario mester acudi na nos oficina principal na Playa situa na Lagoenweg.

Number di contacto di nos oficina na San Nicolaas:

OPC San Nicolaas

Edificio di ex Centro Medico

Bernhardstraat 75

Tel: 528-1130

Fax: 584-1639

DAS mas den luna di maart lo sigui amplia su servicio mas cerca di su clientenan na MFA Paradera.  DAS ta pidi henter e comunidad di Aruba pa tene bon cuenta cu e cambionan menciona.