Home Uncategorized Persona ta perde control cu brommer y ta fractura ambos pia malamente

Persona ta perde control cu brommer y ta fractura ambos pia malamente

SHARE

Tamarijn – Diasabra atardi 6’or pasa melding ta drenta di un accidente cu hende herida panort di e crusada di Seroe Pita, tambe cu e persona su pia lo ta kibra.

Na yegada di polis ta constata cu lo ta trata di un motociclista drumi banda di un palo di luz. Polis ta constata tambe cu ambos pia lo ta kibra, mirando e posicion cu ambos pia tawata aden.

Un automobilista cu a wak kico a pasa mes ora a yama 911. Segun e automobilista, e motociclista lo tawata bayendo direccion Sero Pita ariba un wiel, pues e tawata bezig ta ‘hop’ su brommer. Dado momento e lo a hera dal contra su auto pa despues perde control y dal contra e palo di luz.

E chauffeur bayendo nort direccion Tamarijn a bira bin bek pa wak e motociclista, caminda e ta haye for di conocimento. E motociclista a bin bij despues, pero toch no tawata mustra di sa kico ta pasando.

Na yegada di ambulance mes ora nan ta mira cu esaki ta un caso serio y cu aunke e victima no tawata sangra, e lo por tin sangramento interno. Cu urgencia e victima a wordo transporta pa hospital.