Home Uncategorized Mama di hoben ta aclaria foto y texto cu ta bayendo rond...

Mama di hoben ta aclaria foto y texto cu ta bayendo rond di su yiu homber

SHARE

Oranjestad – Awe por a nota riba e medio social di Facebook y tambe den un broadcast di Whatsapp un potret di un hoben bayendo rond. E hoben ta wordo acusa di ta un atracador Venezolano. Mirando cu hopi persona ta pendiente pa informacion di e sorto aki, e potret aki a wordo manda rond. 

A resulta awor cu e potret y ni e storia no ta corecto. E mama di e hoben, Sra. Vilma Boekhoudt, a manda e siguiente mensahe pa aclaria e asunto : “Na e persona cu a post e cos aki. Mi no sa kiko ta bo bedoeling di a hasie. Paso e ta un MENTIRA y bo sa esey. Mi ta para tras di mi yiu y mi ta sigura na Ken cu kier bisa contrario. Mi yiu ta un bn mucha hombre cu ta bai skol y tin bn punto. No ta busca problema y ta hasi sport y conoce e caminda di Dios.. mi no sa Ken bo ta y pakiko bo kier susha mi yiu su nomber.. Mi ta laga loque bo a hasi den man di Dios…”

Whatsapp broadcasts di e forma aki ta atacha nomber di persona. Esaki no ta prome biaha cu broadcast (y Facebook posts) ta wordo manda y comparti cual ta contene informacion sea eroneo o puro ‘fantasia’. Pues mester cuminsa bira mas consciente di e ‘noticianan’ cu ta wordo comparti y tambe di e credibilidad for di unda esaki ta wordo publica.