Home Uncategorized Cinco persona herida den accidente grandi na Cura Cabay

Cinco persona herida den accidente grandi na Cura Cabay

SHARE

Cura Cabay – Diahuebs algun minuut prome cu mey anochi un accidente serio ta sosode na Cura Cabay.

Polis ta wordo manda Cura Cabay cu urgencia, na altura di e crusada di Pieter Boerstraat nan ta topa un Chevrolet Spark cu hopi sla banda di e chauffeur. Panort di caminda un Altezza color blanco pega contra un Mini Van, cu tawata staciona dilanti un cas.

Un total di 5 persona a resulta herida den e accidente aki, cuatro dama y un cabayero.

E accidente a sosode momento cu e Spark saliendo di Pieter Boerstraat a bay subi caminda, direccion Savaneta.

Posiblemente e chauffeur di e Spark no a calcula e velocidad halto cu e Altezza tawata acercando cune. Nos por a wak ariba caminda un lastro di brake, di e Altezza y bo ta wak con e ta kita bay na su man robes pa despues bay dal cu velocidad halto contra un Van staciona dilanti un cas. Na e sitio nos a tende tambe cu e Altezza tawata core direccion San Nicolas cu velocidad halto y tambe aparentemente pasando varios auto.

Na e sitio a pidi specialista di trafico y tambe departamento tecnico di polis. Parti di e caretera a ser habri bek den careda di 2’or di e marduga.