Home Uncategorized Evelyn Wever-Croes : MEP ta preparando pa goberna Aruba

Evelyn Wever-Croes : MEP ta preparando pa goberna Aruba

SHARE

INVENTARISACION DI TUR SCOL CU MESTER DI MANTENCION Y RENOVACION

STA CRUZ — Den conferencia di prensa semanal di MEP sra. Evelyn Wever-Croes a duna di conose cu MEP ta preparando pa goberna nos pais. Den un documento cu e lider di MEP a mustra na prensa, tin un inventarisacion di tur scolnan na Aruba cu edificio mester di mantencion y renobacion.
Naturalmente mester pone atencion tambe na e calidad di ensenjansa, y e sosten pa docentenan. MEP ta trahando riba tur esaki.
“E gobierno aki a hasi demasiado poco pa nos ensenjansa, y esey ta resalta den e rapport cu nos a laga traha pa inventarisa e estado di cada scol. Desde oposicion nos ta preparando pa goberna Aruba, y den e rapport aki “school project – our children are the future” tin stipula exactamente con nos lo pone tur edificio di scolnan den bon estado atrobe, segun un plan riba termino corto y riba termino largo. Nos muchanan merece un mihor ensenjansa, y sigur nan tur merese di haya les den un edificio nobo y moderno. Mi colega Chris Romero lo elabora mas di esaki den e sigiente dianan. Nos compromiso ta cu nos muchanan, y pesey awor caba nos a cuminsa prepara, pa asina cu nos drenta gobierno nos no perde tempo y cuminsa soluciona problema mesora”, Evelyn Wever-Croes a duna di conose.