Home Uncategorized Muhe na Nicaragua kima bibo durante un exorcismo

Muhe na Nicaragua kima bibo durante un exorcismo

SHARE

Nicaragua – Un muhe jong den un parti aisla di Nicaragua a muri despues di a wordo mara y benta den candela, durante un ritual di exorcismo.

Famia a conta media local cu Vilma Trujillo a wordo ataca door di cuatro persona cu tawata wordo dirigi pa un homber cu a bisa cu e ta un Pastoor Evangelista. Juan Rocha ta nenga cu e a kima e dama Trujillo, segun e ta bisa ta e spirito malo nan a lante for di tera y despues a lage cay den e candela.

Familiarnan a haya e dama di 25 aña, basta ora despues cu kemaduranan severo na su curpa. Polis a detene Sr.Rocha y algun persona mas sospecha di ta involucra den e caso aki. Casa di e victima Reynaldo Peralta Rodríguez, mama di su dos yiunan a wordo tuma na e misa siman pasa, e miembronan di e misa a pensa cu e ta posei despues cu aparentemente ela pasa man pa un machete y a trata di ataca nan.

“Nan a mata mi casa, e mama di mi dos yiunan chikito, kiko lo mi mester bay bisa e muchanan awor” ?

“Apart di ta un aspecto religioso, nada no por hustifica un acto asina cruel di kima un muhe, door di hinke den e vlamnan cu ayudo di mas persona cu a usa religion pa por a manipula “, asina e activista Juanita Jimenez di hende muhe na Nicaragua a bisa.