Home Uncategorized Posibel auto uza den caso di atraco arma haya bandona

Posibel auto uza den caso di atraco arma haya bandona

SHARE

Montaña –  Diasabra anochi polis ta haya un auto blanco bandona. Esaki ta algun minuut despues cu un atraco arma a tuma lugar ariba un Comerciante.

Patruya a topa cu e auto, un Kia Rio color blanco, altura di e veld Jong Aruba. E auto su bentanan tawata habri y tambe e motor tawata cayente, pues ta algun momento despues e auto lo a wordo laga eynan.

Informacion presenta pa e victima di e atraco, e comerciante,  a indica cu e atracadornan a sali for di un auto color blanco. Pues e Kia Rio cu polis a encontra por ta e mesun auto uza pa e atracadornan.

Tambe, segun informacion e plachi number no ta cuadra cu e Kia Rio tampoco.

Polis a pidi asistencia di un takelwagen y nan a takel e auto hibando esaki warda di polis Shaba unda mas investigacion por wordo haci.