Home Uncategorized Comerciante ta yega cas y bira victima di un atraco arma

Comerciante ta yega cas y bira victima di un atraco arma

SHARE

Montaña – Diasabra anochi den careda di 9:30pm un atraco a tuma lugar na cas di un comerciante Chines. Momento cu e comerciante a yega su cas e a bira victima di un atraco arma.

Señora Rasmijn, Vocero Suplente di Cuerpo Policial, a dune e siguiente relato :
“Pa mas o menos 9or di diasabra anochi  central di polis ta haya un jamada bisando cu na Montaña lo mester a tuma luga un atraco. Na jegada di patrouille di polis ta bin topa cu un meneer na e cas cu ta conta cu un rato prome 2 hende homber den un auto blanco lo mester a atrake ora e la caba di jega su cas. Tur cos a pasa den su garage ora e la para su auto. Nan no tawata tin cara tapa y un di nan tabata tin un arma di candela. Nan a papia papiamento y loke nan a bai cu ne ta un tas cu un botter di awa den dje y su Iphone. Un rato despues ta bin encontra cu un auto blanco na altura di e veld di Jong Aruba para sin hende aden y motor ainda cayente. A pidi takelwagen na unda a hiba e auto warda pa asina polis tecnico hasi su investigacion y wak si e lo ta relaciona cu e caso di atraco. Atraco team y slachtofferhulp a presenta na e sitio tambe. Ken cu por a wak algo jama tiplijn di polis 1114”.

Mester nota cu despues cu varios detencion a wordo haci tawata tin algun dia basta keto, pero ta mustra manera cu tiponan aki a cuminsa atrobe.