Home Uncategorized Wilders ta suspende su campaña pa motibo cu informacion confidencial di dje...

Wilders ta suspende su campaña pa motibo cu informacion confidencial di dje a yega den man di un gang criminal

SHARE

Hulanda – E politico anti-moslim, Geert Wilders (PVV) a suspende su campaña pa motibo di un ‘lek’ den su seguridad.  Tur actividad publico a wordo cancela pa motibo cu un miembro di su seguridad lo a ‘leak’ informacion detayando informacion cu ta indica unda pa localisa Wilders.

E persona cu e lek e informacion aki ta traha na Dienst Bewaken en Beveiligen (DBB). E departamento aki ta encarga pa proteha e famia real y tambe politiconan conoci. E persona tawata tin acceso na e database di DBB y a busca tur informacion cu ta indica unda Wilders lo ta.

E informacion aki lo a cay den man di un gang criminal di persona Hulandes-Marocano. Den pasado caba e persona aki y su ruman a wordo investiga pa motibo cu nan ta divulga informacion confidencial di trabou. E gang aki ta conoci pa heling , pues bendemento di articulo horta y tambe labamento di placa.

Ta obvio cu e aspecto controversial di Wilders su politica anti-moslim ta pone na peliger. Wilders cu ta conoci pa papia contra Coran, moskee y inmigrante tin mas cu 10 aña bibando 24/7 bou proteccion di polis.