Home Uncategorized Despues di lighting parade na San Nicolas, motor unit a tene control...

Despues di lighting parade na San Nicolas, motor unit a tene control na Pos Chikito

SHARE

Pos Chikito – Diabierna anochi manera cu Lighting Parade na San Nicolas a caba y hendenan a cuminsa move pa nan cas, unidad motorisa di polis a prepara na rotonde di Pos Chikito.

Ariba caminda un area a wordo sera cu pionnan y tawata manda un x cantidad di auto cada biaha ey den pa wordo controla.

Agentenan motorisa tawata controla ariba alcohol, tambe logicamente papelnan necesario di e vehiculo.

Den careda di 12’or manera cu nan a cuminsa cu e control a detene un chauffeur, cu a supla ariba 700 ųgl. Tur e chauffeurnan tawata wordo transporta pa warda di Santa Cruz.

E control a duna un bon resultado, esaki a dura te den oranan di 4’or di marduga. Un total di 17 chauffeur a keda deteni y ariba 200 auto a ser controla.

Diasabra nan lo sigi cu nan controlnan despues di parada na San Nicolas, yudando asina kita chauffeurnan bou influencia for di ariba caminda. Cu ta un menasa pa otronan cu ta core inocentemente y por haya nan den un accidente serio cu un di e chauffeurnan aki cu ta intoxica.