Home Uncategorized Dama Venezolana ta horta homber Mericano despues di yega cas cune

Dama Venezolana ta horta homber Mericano despues di yega cas cune

SHARE

Paradera – Diahuebs marduga den careda di 3’or polis a bay Paradera pa un caso di robo y asalto.
Na e adres nan ta topa un cabayero di nacionalidad Mericano di 61 aña.

Ela conta polis cu despues cu e night club Gusto a cera ela bin cas cu un dama Venezolana. Segun ela sigi bisa polis e no conoce e dama aki of por lo menos no dje bon ey.

Despues di un rato cu nan a yega e cas, caminda e mericano ta hospeda ta yega un Hyundai i10 color shinishi.
E mericano ta haya un confrontacion cu e homber den e auto ey, caminda e homber ta dal e algun biaha. Esaki a sosode via un bentana di e cas cu tawata habri.

Segun e mericano, e dama lo a horta 900$ for di un sapato cu tawata den e camber, tambe e muhe Venezolana a bay cu cartera conteniendo su credit cards i.d y tambe rijbewijs di Merca.

Jabi di cas y di e auto tambe a wordo horta door di u muhe aki. E dama a bandona e sitio den e i10 hunto cu e homber.

E auto cu e cabayero Mericano tawata cu ne ta fia di e Pastoor di e Misa Santa Filomena.
M.M ( e mericano) a bay hunto cu polis den vecindario di Shaba, paso aparentemente e lo sa unda e dama ta biba. Pero lamentablemente e cabayero no por a orienta su mes bon y mester a bahe bek na su cas.

Polisnan a avise e caminda cu e mester cana, door di pasa na kantoor di recherche y haci un denuncia.