Home Uncategorized Maya Maduro a cumpli 20 aña den servicio di Lotto

Maya Maduro a cumpli 20 aña den servicio di Lotto

SHARE

ORANJESTAD, Aruba –  Lotto ta di fiesta paso Maya Maduro a celebra su 20 aniversario na Lotto! Alavez a haci uzo di e oportunidad pa corone como Reina di Lotto 2017. Henter e team a celebra cu snacks, bolo y algo di bebe. Maya a ricibi un bunita bouquet di flor y tambe algun regaldo den envelope.

Lotto ta manda palabranan di hopi felicitacion pa Maya cu su 20 añanan di servicio y alabes ta desea pa e celebra hopi aña mas laborando na oficina principal di Lotto, na Oranjestad. Ronald van den Berg y Caroline Feliciano a haci entrega di e regaldonan, Damaris Ridderstap a corona Maya como Reina Lotto 2017. Hopi pabien, Mayalicious!

Lotto, e loteria di Aruba tin diferente wega, Catochi, Big 4, Zodiac, Wega di number di Korsou di Lotto, Lotto di Dia, Lotto 5, Mini Mega y su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.