Home Uncategorized EVELYN WEVER-CROES: GOSA E ULTIMO DIANAN DI CARNAVAL

EVELYN WEVER-CROES: GOSA E ULTIMO DIANAN DI CARNAVAL

SHARE

STA. CRUZ — Carnaval ta e fiesta mas grandi di nos pueblo di Aruba, cu e fin di siman aki ta yega na su punto culminante. Pa medio di esaki mi kier desea un y tur un felis Carnaval. Gosa Carnaval, pero no dimas. Percura pa tur hende celebra y gosa parew, y e goso por cambia hopi facil den dolor na momento cu tin dimas alcohol y agresion den wega. Evita pa yega asina leew, pa asina abo y nos tur por gosa di e gran fiesta.

Cuida abo y bo sernan keri di e rayonan dañino di solo, cu ta causa primordial di cancer di cuero, un forma di cancer cu na Aruba ta creciendo manera un epidemia.

Cuida bo oido, y especialmente esun di nos muchanan, pasobra sonido demasiado duro den carnival por causa daño permanente na bo oido. Bo oido ta comunicabo cu resto di mundo, cuid’e pasobra e mester bai cu bo henter bo bida. Felis Carnaval!