Home Uncategorized Scouting Aruba a tene un grandioso evento carnavalesco

Scouting Aruba a tene un grandioso evento carnavalesco

SHARE

ORANJESTAD, Aruba – Dia 18 di Februari ultimo, Gruponan di Districto 1&3 di Scouting Aruba a tene un grandioso celebracion di carnaval. E evento aki a tuma luga na Blokhut di Grupo Scout Cacique Macuarima na Santa Cruz y a conta cu un gran cantidad di participantenan compaña pa nan lidernan y mayornan cu a brinda apoyo.

Durante transcurso di e mainta pa merdia tabatin eleccionnan di reina y tambe di prins y pancho parti den categorianan Kolonie / Horde y Troep / Afdeling. A eligi e siguiente scoutnan como e monarcanan di Districto 1&3: Reina Kolonie a resulta  Siane Franken, 1e finalista Antonella Coronel, Best costume Jayda Geerman, Reina Horde  Diarselly Ridderstaat, 1e finalista Eileen Galeano, Best costume Eileen Galeano, Reina Troep Francheska Croes, Reina Afdeling  Genishka Angel,

Kolonie / Horde Prins & Pancho Prins Pief & Pancho Paf, Troep/Afdeling Prins Supero & Pancho Loco Jovic Angel & Andrew Smith.

Districto 1&3 di Scouting Aruba ta felicita tur e monarcanan y di mes manera expres palabranan di gradicimento na un y tur cu e traha duro pa haci e evento aki posibel.

E movecion scout ta existi desde aña 1907 y a wordo funda door di Lord Robert S. Baden Powell. Aki na Aruba a funda Scouting Aruba dia 23 di april 2000, uniendo 4 diferente organisacion scout den un. Scouting Aruba tin 13 grupo scout den diferente districtonan rond di full Aruba. Scouting su metodo educativo no formal ta dedica su mes na educa y ekipa mucha y hobennan entre edad di 5 pa 18 anja cu e capacidad y conocemento pa nan por ta personanan util y responsabel pa nos comunidad. E organisacion nacional representando e 13 gruponan scout riba nos isla ta afilia na Inter American Scout Organisation (ISO) cu ta miembro tambe di World Scout Organization esta WOSM. Pa mas informacion tocante Scouting por tuma contacto cu nos via nos facebook page: http://www.facebook.com/ScoutingAruba of via cel: 594-5129.