Home Uncategorized Jaloezie a pone hoben menor di edad menasa guy nobo di su...

Jaloezie a pone hoben menor di edad menasa guy nobo di su ex-chick cu, e lo tire mata

SHARE

Savaneta – Dialuna anochi den careda di 9:30pm, un hoben a core stop un patruya di polis altura di veld di San Luis. E hoben tawata hunto cu un damita, y a splica polis di un caso serio unda cu e a wordo menasa cu morto pa dos otro hoben.  E hoben a sigui conta cu e dos tiponan aki tawata tin un arma di candela cu nan ora nan a bin menase.

E problema aki a inicia ora cu e damita a termina e relacion cu un di e dos hobennan. E ex no por acepta cu e damita ta den un relacion nobo, pues e a bira jaloers anto a pensa di tuma accion. E ex y un otro hoben a bay asina leu na menasa e guy cu morto, cu locual awo ta ser bisa di ta un pistool di aire.

Polis a detene e dos mucha hombernan aki mes ora y a transporta nan pa warda. Tambe polis a bay cu nan auto, un Nissan March, warda pa motibo cu e mucha homber no tin rijbewijs.

Esaki ta un caso serio di menasa. E hobennan cu a comete esaki no ta mustra di ta consciente di e consecuencianan di locual nan ta haci. E relacion a termina y awo e mester siña acepta esey.