Home Uncategorized Post Aruba ta presenta imagen nobo riba website y Facebook

Post Aruba ta presenta imagen nobo riba website y Facebook

SHARE

ORANJESTAD, Aruba -Post Aruba N.V. ta orguyoso di informa cu desde awor clientenan por disfruta di un website nobo completamente re diseña haciendo e mas facil pa nabega riba internet. Fuera di a agrega mas formulario pa servicio di cliente cu preguntanan general, tambe a pone acerca formulario digital pa tuma contacto cu ehecutivonan di benta di Post Aruba NV.

Un servicio cu hopi lo bay gusta ta e cuenta comercial (business account) unda clientenan cu ta haci uzo regularmente di e servicionan di Post Aruba ta habri un cuenta y ta ricibi cobransa fin di luna. E pagina nobo ta uno mas moderno, hopi mas atractivo y facil pa nabega.

Hunto cu e lansamento di e servicio online completamente re diseña di Post Aruba, tambe ta informa cu e pagina di Facebook – E-Post Aruba – a cambia di nomber pa Post Aruba NV conectando e website di servicio postal di Aruba cu e pagina di Facebook, pa asina tur fanatico por haya tur informacion necesario for di e website actualisa.

Ta bon pa informa cu Post Aruba lo tin mas cambio na caminda pa tur su clientenan, tanto esunnan cu ta frecuenta nan website como tambe esunnan cu ta subi nan pagina riba Facebook regularmente. Ta conseha tur hende pa “Like” nan pagina y keda altanto di tur servicio y productonan nobo cu Post Aruba tin pa ofrece.

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 3 oficina adicional na Santa Cruz, Noord y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.
Pa mas informacion riba servicionan di Post Aruba, bishita e website www.postaruba.com of check nan paginanan riba Facebook, cu ta Post Aruba N.V. y Aruba Stamps.