Home Uncategorized Aportando na cultura di Aruba Digicel ta den Carnaval 2017 cu Champagne...

Aportando na cultura di Aruba Digicel ta den Carnaval 2017 cu Champagne Carnival Group

SHARE

ORANJESTAD, Aruba – Digicel ta contribui un biaha mas cu e expresion cultural mas grandi y intenso di Aruba, contribuyendo na Carnaval 2017. E participantenan di Champagne Carnival Group ta conta un biaha mas cu un “opening road piece” cu ta anuncia nan grupo, hunto cu 5 bailarin na cabes di e grupo. Cu e tipo di sponsor asina, Digicel ta aporta pa algun aña caba cu Carnaval y ta un placer pa e aña aki ta partner cu un grupo grandi y cu hopi aña di existencia como un di nan sponsornan principal atrobe.

E “road piece” ta basa riba e pelicula titula “Madness in Wonderland”. E color blanco ta representa cosnan bon y e color preto ta representa e cosnan malo, mientras cu e color cora ta representa amor. Cu e carosa aki ta representa e reina di tur locual ta bon y malo, mientras cu e barbuletnan ta representa e red di Digicel, conectando paisnan y treciendo e carnaval di Aruba mas cerca di tur esunnan bibando den exterior.

“Digicel ta kere den y lo sigui aporta cu expresionnan di cultura, tradicionnan y folklore di Aruba como un partner den e comunidad vibrante cu nos ta forma parti di dje pa casi 14 aña caba,” asina Elaine Singh a expresa.

Digicel ta uni na Champagne pa tres parada, esta Lighting Parade di Oranjestad, Parada Grandi di San Nicolas y Parada Grandi di Oranjestad. E entusiasmo ta grandi, tanto cerca Champagne como cerca Digicel y esaki tabata bisto tambe durante di nan prome salida hunto pa Lighting Parade di Oranjestad.

Durante di e dos paradanan grandi den e ultimo fin di siman di Carnaval, esta e paradanan grandi di San Nicolas y Oranjestad, Digicel lo tin regalonan sorpresa tambe pa e publico gosando na banda di caminda di e paradanan. Digicel ta desea comunidad di Aruba y tur bishitante gosando di Carnaval 2017, un dushi, sigur y alegre fin di siman.

Digicel a lansa su servicionan na Jamaica na aña 2001 y den un tempo record a expande den 31 otro mercado mas den Caribe, Centro America y Asia Pacifico. Den cada mercado nan mision ta pa  ofrece e miho red, e miho servicio y cu clientenan ta sinti cu nan ta haya mas balor pa nan placa y pa semper duna bek na comunidad. Awe Digicel ta orguyoso di sirbi clientenan individual y comercial y ta ofrece nan lo ultimo den comunicacion mobil, solucionnan comercial, media y entretenimento.

Cu mas di 6000 empleado den servicio, e compania a inverti mas di 5 biyon dollar Mericano den su companianan na nivel mundial y ta sigui inverti den tecnologia nan nobo den e mercadonan unda ta opera. Na Aruba, Digicel a start su operacionnan desde aña 2003 y a sa di causa un revolucion completo den e industria di telecomunicacion riba nos isla, bahando prijsnan, hisando e nivel di servicio, productonan nobo y cu e tecnologia mas moderno den e region.