Home Uncategorized Politico populista Geert Wilders ta insulta migrante Marocano durante un discurso cu...

Politico populista Geert Wilders ta insulta migrante Marocano durante un discurso cu prensa na Spijkenisse.

SHARE

E politico conservativo di Hulanda, Geert Wilders (PVV), a lansa su campaña electoral diasabra na e cuidad, Spijkenisse. Wilders a parti flyers y tambe a pose pa potret cu su sostenedornan. Banda di e grupo di seguridad cu semper ta acompaña Wilders, tambe tawata tin un presencia grandi di polis.

Prensa di Merca, Alemania, Inglatera, Francia y Belgica tawata presente pa cubri e evento aki. Wilders ta conoci pa ta anti-moslim y durante un discurso cu prensa internacional y Hulandes e a haci algun expresion insultante contra personanan Marocano. E a yama nan pa ‘scum’, basicamente expresando cu nan ta hendenan indesea y cu nan ta un nivel mas abou cu resto di comunidad Hulandes. E a sigui acusa personanan Marocano pa ta haci e cayanan insigur, pues cu nan ta criminal.

Hulanda ta un pais multi-cultural y tin un diversidad inmenso, su insulto no ta afecta solamente personanan migrante Marocano, pero tambe nan yuinan cu a naci na Hulanda y cu ta parti di e comunidad. Algun luna atras caba Wilders a haci algun expresionan insultando persona Marocano-Hulandes. Un di nan a splica cu e comentarionan cu e ta haci ta pone sinti manera un ‘cuidadano di tercera clase’.