Home Uncategorized Le Groove y Miniteca Metropolis a pone tur hende den ambiente Celebrando...

Le Groove y Miniteca Metropolis a pone tur hende den ambiente Celebrando carnaval 63 cu “Company goes Hora Loca”

SHARE

Na Balashi Beergarden

ORANJESTAD, Aruba – 18 di februari 2017: Riba diabierna ultimo despues di 5’or di atardi MetaCorp y su subsidiarionan a drenta den “Hora Loca” na Balashi Beergarden. Tur empleado a prepara nan mes pa drenta den e ambiente di carnaval. Le Groove y Miniteca Metropolis a percura pa entretenimento y bon musica. E diferente companianan resortando bou MetaCorp y nan empleadonan a drecha nan T-shirtnan mustrando nan creatividad y tur esaki cu e tema di “Hora Loca.”

Pa esunnan cu a presenta cu e creacionnan mas loco di “Hora Loca” tabatin premio. E compania ta conoci pa regularmente tin evento pa su empleadonan, manera ta carnaval, hacimento di deporte hunto, dianan social, partimento di ham fin di aña, tiramento di pagara, celebracion ora di hubilarionan y hopi mas. Di berdad cu e empleadonan ta forma un famia grandi cu ta traha diariamente pa hiba nan mes y e companianan padilanti.

 MetaCorp ta existi desde aña 1920 caba den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den ATCO Concrete Products y Ecotech. Despues di segunda guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi.

MetaCorp ta e empresa comercial mas bieu na Aruba y pronto ta cumpli 100 aña. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talentonan manera Eddie de Veer, Robert Carrasquero y Guus Slabbekoorn na cabes di e compania.