Home Uncategorized Kimiconan prohibi na aña 1970 haya den fondo di lama

Kimiconan prohibi na aña 1970 haya den fondo di lama

SHARE
ARKive image GES081431 - Oklahoma cave amphipod

Internacional –

Productonan kimico prohibi den añanan 1970 a wordo haya den profunidad di Oceano Pacifico, segun estudionan nobo haci.

Cientificonan a keda sorprendi door di e concentracionan relativamente halto di contaminantes manera PCB y PBDEs den e eco sistema di fondo di oceano.

Usa ampliamente durante siglo 20, e substancia kimico nan aki posteriormente a descubri cu nan ta toxico y cu nan tawata acumula den e medio ambiente.

E ekipo dirigi pa Dr. Alan Jamieson di e Universidad Newcastle a tuma muestranan di e nivelnan di contaminante den e tehido vet di un sorto di cabaron/ lobster (un tipo di crustáceo) di e profundidadnan di Oceano Pacifico.

E bestianan a wordo treci ariba door di un aparato special traha yama “Lander”, cu a wordo baha for di un boto ariba e Mariana y Kermadec Trench (separacionnan den profunidad di oceano) di mas di 10kilometer hundo y ta mas di 7000 kilometer separa for di otro.

E contaminantenan haya den e “kreeft”nan ta (PCBs y PBDEs), cu tawata wordo usa e tempo eynan como insulador electrico y retardante di candela.

E produccion di PCB a wordo prohibi na Estados Unidos na aña 1979 y durante un convenio na Stockholm over Contaminantenan Organico Persistente, un tratado firma door di United Nations na aña 2001.

Desde e decada di 1930 te cu e prohibicion di PCB den 1970, e produccion global total di e productonan kimico ta estima di ta rond di 1,3 miyon di tonelada.

Libera den e medio ambiente por ehempel door di accidentenan industrial, e contaminantenan aki ta resistente na decomposicion natural y ta keda persisti den nos medio ambiente.

E estudio a añadi tambe cu e nivelnan haya den e Mariana Trench di PCB tawata 50 biaha mas halto cu e cangrewnan alimenta den e riu Liaohe, un di e riunan mas contamina na China.

Dr. Jamieson a comenta tambe: “E “kreeftnan” cu nos coy muestra di nan tawata contene nivelnan di contaminacion similar na esunnan haya den e Bahia di Suruga (Japon), tambe un di e zonanan industrial mas contamina den e Nort West di Pacific.

Segun investigadornan e PCBs y PBDEs a haya nan caminda pa e Trenchnan di Oceano Pacifico atraves di residuonan di plastic contamina y animalnan morto cu ta wordo manda fondo di lama.

Esakinan e ora ta wordo consumi door di e “kreeftnan” y otro criaturanan den e profundidad di lama.

Ta argumenta cu e productonan kimico ta acumula door di e cadena di alimenticio di manera cu ora e yega fondo di oceano, e concentracionnan ta mucho mas halto cu na awanan superficial.

Segun Katherine Dafforn di e Universidad di New Gales Sur den Australia, cu no a participa den e estudio, “Ademas di e efectonan toxico di e contaminantenan aki y tambe e potencial pa biomagnifica e cadena alimenticio, ainda tin di wordo comproba”.

“Pero ela añadi tambe cu miembronan di e ekipo a “proporciona prueban cla cu e profundidad di oceano, na luga di ta un luga remoto, ta altamente conecta cu e awa di superficie y ta wordo
exponi na concentracionan significativo di contaminantenan produci dor di e ser humano”.

Semper nos a biba pensa cu loke ta bin for di lama ta “bon”. Aunke ora nos pensa bon y logico, cuanto “cos” ta bay den lama. Y mas cu claro e animalnan den lama cu nos ta haya ariba nos plato, ta come e “cosnan” ey cu a bay of a wordo gedump den lama.

Dump di Parkietenbos ta un ehempel bibo, ora bo wak e parti banda di lama, con e sushedad cu ken sa kiko tin den dje ta basha bay den e bunita lama blauw ey trasnan.