Home Uncategorized Medidanan di prevenshon ku mester tuma kontra keitura hel

Medidanan di prevenshon ku mester tuma kontra keitura hel

SHARE
People line up to receive the yellow fever vaccine at a public health post in Caratinga, in the southeastern state of Minas Gerais, Brazil, on January 13, 2017. Health authorities of Minas Gerais decreed a health emergency in 152 cities and towns due to a likely outbreak of yellow fever. There have been 110 suspected cases of yellow fever in the state, with 30 probable deaths, so far this year. / AFP PHOTO / DOUGLAS MAGNO

Willemstad—Tur medida di prevenshon kontra pika di sangura ta keda importante, inkluyendo uso di protekshon kontra di piká di sangura ku ta kontené DEET, Picaridin, IR3535 òf Oil of Lemon Eucalyptus.

Esaki ta konta tantu pa personanan ku ta bai biaha pa un di e pais nan ariba menshoná I pa esnan ku ta bin Kòrsou. Tambe logikamente pa tur persona ku ta biba riba e isla aki.

Pa hende ku ke bishitá Kòrsou

Ta eksigí vakunashon kontra di Keintura Hel di tur hende (for di 6 luna di edat) ku ta bin for di un di e paisnan menshoná. Siguiendo rekomendashonnan di OMS, nos tambe lo bira mas severo den kòntròl di personanan yegando for di paisnan ku riesgo di Keintura Hel. Si bo tin konosí òf famia ku ta bishitando Kòrsou for di un di e paisnan menshoná por fabor splika ku aki lo eksigí prueba di vakunashon kontra di Keintura Hel. Si no tin esaki, por ninga entrada na e pais.

Atenshon!

Akudí na un dòkter si durante bo estadía den un país ku tin Keintura Hel bo bira malu ku un òf mas di e siguiente síntomanan: bo ta sinti manera bo ta hañando grip, keintura (diripiente), kalafriu, doló di kabes, doló di lomba, doló di múskulo, malestar general, stoma ta wal i sakamentu.

Den algun kaso e malesa por progresa dunando e persona “de hel” (e persona ta bira hel) i haña sangramentu (e persona por sangra pa nanishi, karn’i djente, e por aroha ku sanger, i e por sangra via tripa – ku shushi pretu/skur). Si tin “de hel” òf sangramentu, mester konsultá un dòkter òf bai sala di emergensia mesora.

Si denter di 1 siman ku bo a yega bèk for di un lugá di riesgo, bo bira malu, akudí na dòkter i bisa ku bo a kaba di yega for di un lugá ku tin Keintura Hel