Home Uncategorized Hoben bou influencia ta ranca palo di luz completamente

Hoben bou influencia ta ranca palo di luz completamente

SHARE

Sabana Basora – Diasabra mainta algo pasa di 8:00 informacion ta drenta cu ariba e caminda di rotonde di Pos Chikito bay nort tin un accidente. Un auto lo a ranca un palo di luz.

Mes ora un unidad di motor unit a bay e sitio. Enberdad na su yegada ya e por a wak cu tin wayanan di coriente ta colga y mas leu e por a wak e auto cu a causa esey.

E chauffeur ta un hoben, cu tawata basta spanta. Ela conta cu aparentemente ela bay kita pa un auto y a dal den un “buraco”, caminda e auto a kita bay links y dal contra e palo di luz rancando e completamente.

Polis a puntre si ela bebe, e kier un “tiki”. E agente no a confia e cuente y a lage supla, lamentablemente ora ela supla ela surpasa e limite indica pa ley. Mes ora e agente a detene.

E hoben no tin rijbewijs y e auto no ta di dje tampoco, pues basta cos su mayornan tin di bay kibra cabes cune.