Home Uncategorized Grupo cu ta trafica den hende muhe pa Aruba gara na Punto...

Grupo cu ta trafica den hende muhe pa Aruba gara na Punto Fijo

SHARE

Venezuela Punto Fijo – Durante siman cu pasa Guardia Nacional Bolivariana di e Destacamento de Seguridad Urbana del CZGNB-13, ta detene siete persona den e sector San Luis na Amuay, municipio Los Taques.

Ariba e grupo aki autoridad Venezolano ta haya 1kilo di cocaina y dos pistool caliber 9mm.

E detencion a sosode despues di varios dia di investigacion riguroso,di
parti efectivonan militar.

Entre e detenidonan tin cuatro dama, di edadnan cu ta varia entre 27 22 y 20aña.
E tres hombernan nan edad ta entre 20 cu 41aña di edad. Esnan deteni ta procedente di Punto Fijo mes, Maracay y Barinas.

Link cu Aruba !

Durante nan detencion GNB ta haya dos cellular, caminda nan ta haya What’s Appnan y yamadanan di e grupo aki.
E grupo aki ta dedica nan mes tambe na e trafico di hende.

Esaki ta un di e gruponan cu ta negocia hende muhe, caminda cu e muhenan aki ta wordo usa aki na Aruba pa explotacion sexual.

Aki nos ta wak y comproba cu TIN un negoshi grandi y lucrativo di traficacion di hende muhe, cu fin di traha como prostituta ariba e isla di Aruba, den “bordeelnan” clandestino, conoci pa solamente un grupo selecta !