Home Uncategorized Gerrit Schotte: Avianca ta interesá pa kumpra Insel Air

Gerrit Schotte: Avianca ta interesá pa kumpra Insel Air

SHARE
PUNDA,– Parlamentario pa MFK Gerrit Schotte a splika ayera ku e tin informashon verídiko ku e grupo di Avianca kendenan ta doñonan di mas ku 4 aeroliña i 150 avion ku ta bulando, ta interesá na kumpra Insel Air.

Gerrit Schotte a splika ku Avianca ta interesá na kumpra òf bira partner stratégiko pa reskatá Insel Air i e 600 trahadónan ku ta na kas paso roster ta bashí paso no ta bulando i no sa si ta kobra fin di luna.

Schotte a bisa ku entrega un karta na presidente di parlamento pa e reunion ku el a posponé ayera, tuma lugá awe mainta 9’or.

E lider di MFK a splika tambe ku sra. Giselle Mc Williams ta stankando trabou di parlamento despues ku e mes a splika ku parlamentarionan no ta traha pa nan plaka.

Schotte a bisa ku nan a entrega na presidente di parlamento i na Griffie pa atendé Komishonnan Fiho, Komishon parlatino i komishon zonifikashon.